Il-General Workers’ Union laqgħet l-impenn imtenni waqt il-laqgħa tal-MCESD biex id-djalogu soċjali jkompli jissaħħaħ u jibqa’ pilastru ewlieni fit-tfassil tal-prijoritajiet nazzjonali.”
Bħala msieħba soċjali, nemmnu li l-progress ekonomiku għandu jimxi id f’id ma’ progress soċjali, investiment fil-ħaddiema, kundizzjonijiet aħjar tax-xogħol u kwalità ta’ ħajja aħjar għall-familji Maltin u Għawdxin.”
Il-GWU saħqet li tibqa’ kommessa li taħdem b’mod kostruttiv sabiex il-vuċi tal-ħaddiema tibqa’ tinstema’ fid-deċiżjonijiet li jsawru l-futur ta’ pajjiżna.
