Il-komunità tal-boxing f’Malta se tilqa’ wieħed mill-aktar atleti internazzjonali rinomati tagħha, il-boxer professjonali Malti-Awstraljan Joel Camilleri (TEAM CAMAKO), li se jkun qed iżur Malta mill-Awstralja l-ġimgħa d-dieħla.
Joel Camilleri, huwa magħruf u rispettat ħafna fost id-dilettanti tal-boxing f’Malta, se jaqsam l-għarfien u l-ħiliet professjonali tiegħu fil-boxing waqt seminar esklussiv nhar is-Sibt 25 ta’ Lulju fid-De La Salle College, il-Birgu, ospitat minn Combat Sports Gym Malta.
Is-seminar se jdum siegħa u nofs u se jagħti lill-parteċipanti l-opportunità li jitgħallmu direttament mingħand boxer li kkompeta fl-ogħla livelli ta’ dan l-isport.
Joel Camilleri bena karriera professjonali impressjonanti fil-boxing, fejn kiseb rebħiet u rebaħ ċinturini ta’ titli prestiġjużi ma’ diversi organizzazzjonijiet madwar id-dinja.
Titli mirbuħa minn Joel Camilleri:
Champion tal-Istat ta’ Victoria
Titlu Awstraljan tas-Super Welterweight
Champion tal-WBC Australasian tal-Middleweight
Titlu tal-WBC Asian Boxing Council tas-Super Welterweight
Titlu tal-WBA Oceania tas-Super Welterweight
Titlu tal-WBA Oceania tal-Middleweight
Titlu tal-IBF Pan Pacific tal-Middleweight
Dan is-seminar speċjali huwa miftuħ għall-klabbs kollha tal-boxing, għal parteċipanti ta’ kull livell ta’ esperjenza, irġiel u nisa, kif ukoll għal atleti żgħażagħ li jixtiequ jtejbu l-ħiliet tagħhom fil-boxing u jiksbu għarfien siewi.
Dettalji dwar is-Seminar:
📅 Data: Is-Sibt 25 ta’ Lulju
⏰ Ħin: 3:00 PM
📍 Post: De La Salle College, il-Birgu
🥊 Minn: Combat Sports Gym Malta
Għal aktar informazzjoni u prenotazzjonijiet, ikkuntattja lil:
Lis-Sur Simon Chetcuti fuq in-numru 7908 3686