Ilbieraħ filgħaxija, membri tas-salvataġġ tad-Dipartiment tal-Protezzjoni Ċivili (CPD) mill-Istazzjonijiet 3 u 7 wieġbu għal sejħa fil-Bajja tal-Imġiebaħ, fejn persuna kellha bżonn assistenza medika. Kienet meħtieġa operazzjoni ta’ salvataġġ minħabba d-diffikultà biex wieħed jasal f’dak il-post.
Il-membri tas-salvataġġ mill-Istazzjon 3, flimkien ma’ tim mediku mid-Dipartiment tal-Emerġenza tal-Isptar Mater Dei, niżlu biex jilħqu lill-persuna involuta. Hija ġiet immobilizzata għalkollox qabel ma ġiet trasferita lejn żona aċċessibbli bl-użu ta’ vettura tal-art tas-CPD.
Wara, il-persuna ttieħdet l-isptar għal aktar kura.
