It-tarbija li kienet fil-periklu tal-mewt fl-inċident f’Tal-Barrani toħroġ mill-ITU

It-tifel ta’ ħames xhur li bejn il-lejl tas-Sibt u l-Ħadd kien involut f’inċident tat-traffiku u sussegwentament kien qiegħed fil-periklu tal-mewt, tneħħa mit-Taqsima tal-Kura Intensiva.

It-tarbija kienet f’karozza misjuqa minn raġel ta’ 32 sena mill-Iklin u mara ta’ 31 sena. Huma kellhom impatt ma’ vettura oħra li kienet misjuqa minn raġel ta’ 58 sena mis-Swieqi f’Tal-Barrani.