Il-Prim Ministru Iżraeljan Benjamin Netanyahu rrifjuta l-pjan ta’ 15-il punt tal-President Amerikan Donald Trump għal Gaża, u ddikjara li l-ebda rtirar militari ma jseħħ sakemm il-Ħamas ma jkunx “ġenwinament” diżarmat.
Ix-xahar li għadda, il-Bord tal-Paċi ta’ Trump qal li laħaq ftehim għad-diżarm komplet tal-Ħamas u gruppi oħra armati f’Gaża. Iżda l-Ħamas qal li biex iċedi l-armi kien jiddependi fuq li l-Iżrael itemm “kull forma ta’ aggressjoni” u jirtira l-forzi tiegħu minn Gaża.
Matul il-jum tal-Ħadd, uffiċjal għoli fuq il-Bord tal-Paċi nsista li l-pjan ta’ paċi li huwa appoġġjat mill-Istati Uniti kien l-unika triq ’il quddiem.
Sadanittant, f’laqgħa tal-Kabinett, Netanyahu qal li Iżrael kien qed jiċħad “id-dokument ta’ 15-il punt.” Huwa żied jgħid li l-militar Iżraeljan mhux se jwettaq l-ebda rtirar sakemm il-Ħamas ikun ġie verament diżarmat, u se jkompli jfixkel it-theddid “kontra l-forzi tagħna u ċ-ċittadini tagħna.”