Lawrence Piscopo ġie identifikat bħala r-raġel li miet b’xokk dalgħodu fl-Imsida. Intant bost huma dawk li jinsabu xxukjati bil-mewta għallarieda tiegħu.
F’messaġġ fuq Facebook, Piscopo kien iddisrevut bħala bniedem ta’ qalb tajba, ragħaj, umli u maħbub minn bosta. Intant f’messaġġ partikolari ingħad; “Lawrence kellek tħallina imma ħalleјt impatt kbir f’ ħaјtek! J’ Alla Trinità Qaddisa ma ddumx ma daħlek fis-saltna tagħha! Strieħ fis-sliem ħabib!”.
1:23 p.m- Raġel imut wara li ħa xokk waqt li kien qed jaħsel xi vetturi fil-garaxx tiegħu fl-Imsida
Raġel ta’ 57 sena residenti l-Ħamrun tilef ħajtu. Dan wara li aktar kmieni għall-ħabta tal-5:00 a.m, intalbet l-assistenza tal-Pulizija f’komun ta’ garaxxijiet fi Triq Anton Inglott, fl-Imsida.
Fuq il-post il-Pulizija sabet tim mediku jassisti lill-vittma, iżda sfortunatament huwa kien iċċertifikat mejjet.
Minn stħarriġ illi sar irriżulta li r-raġel, ta’ 57 sena residenti l-Ħamrun kien qed jaħsel xi vetturi fil-garaxx tiegħu meta x’aktarx ħa xokk.
L-investigazzjonijiet tal-Pulizija għadhom għaddejjin sabiex tiġi stabbilita d-dinamika talinċident.
