Il-Bank MeDirect qed jerġa’ jappoġġja lil ŻfinMalta, il-Kumpanija Nazzjonali taż-Żfin, matul l-istaġun 2024-25. L-appoġġ ta’ MeDirect, parti mill-impenn tiegħu lejn l-arti f’Malta, se jgħin lil ŻfinMalta fil-produzzjoni ta’ diversi spettakli, fl-isforzi edukattivi u komunitarji tagħha, kif ukoll fil-ukoll il-parteċipazzjoni f’avvenimenti internazzjonali.
Taħt id-direzzjoni ta’ direttur artistiku l-ġdid, Matthew William Robinson il-qofol ta’ dan l-istaġun jinkludi tour internazzjonali bix-xogħol Utopia, koreografija ta’ Emanuel Gat, u r-ritorn f’Diċembru ta’ ŻfinMade, programm biennali li jistieden sitt koreografi Maltin biex joħolqu sensiela ta’ solos u duetti maż-żeffiena ta’ ŻfinMalta. ŻfinDays 2025 se jinkludi xogħlijiet ġodda minn koreografi eċċezzjonali minn madwar l-Ewropa – Kor’sia, Liliana Barros, u Simon Riccardi-Zani. F’April se jkun hemm ċelebrazzjoni ta’ ġimgħa għall-10 anniversarju ta’ ZfinMalta, li se tilħaq il-qofol tagħha produzzjoni ġdida mimlija enerġija mill-koreografi Brittaniċi Thick & Tight. F’Mejju se jkun hemm Mortal Heroes, produzzjoni ġdida ta’ Sita Ostheimer li se jkollu l-premiere fit-Teatru Manoel.
Alison White, Chairperson tal-Aġenzija Nazzjonali għall-Arti Performattiva (NAPA), li tieħu ħsieb l-amministrazzjoni ta’ ŻfinMalta, qalet, “L-appoġġ ta’ sponsors korporattivi bħal MeDirect huwa essenzjali għat-tkabbir u l-iżvilupp kontinwu tal-arti f’Malta. Bis-saħħa ta’ dan l-appoġġ, ŻfinMalta tkompli toħloq programmi eċċitanti li mhux biss jiddevertu udjenzi f’Malta u internazzjonalment, iżda wkoll jedukaw lill-adulti u lit-tfal bl-istess mod.”
Noelene Mangion, Senior Manager – Private Clients f’MeDirect, qalet, “MeDirect ilu jappoġġja lil ŻfinMalta għal diversi snin, u għen lill-kumpanija nazzjonali taż-żfin ta’ Malta tikber u tissaħħaħ. Il-programm attwali, li jwassal għall-10 anniversarju, huwa mimli produzzjonijiet interessanti li kull min għandu interess fl-arti performattiva għandu jsegwi.”
Aktar informazzjoni dwar ŻfinMalta, inkluż il-programm sħiħ 2024-25 li jista’ jitniżżel minn https://www.zfinmalta.org/. Tista tikseb il-biljetti għal ŻfinMade, li se jsir fit-Teatru Spazju Kreattiv mill-5 sat-8 ta’ Diċembru minn fuq https://kreattivita.org/en/event/zfinmade-2024/2024-12-05/.
