Għadd ta’ sidien ta’ karozzi kellhom iressqu l-karozzi tagħhom minn ġo pjazza li tinsab biswit il-Belt Valletta. Dan hekk kif tqajjem tħassib kbir u biża’ li parti minn din il-pjazza ċċedi.
Fuq il-post issejħu diversi uffiċjali tal-Pulizija flimkien ma’ uffiċjali ta’ Transport Malta li b’ħidma konġunta evakwaw l-karozzi kollha li kien hemm sabiex jipprevenu dak li jista’ jiġri.
Dan is-sit jinsab infurmat li għalissa din il-pjazza se tibqa’ magħluqa sabiex jiġi assigurat li ma jkunx hemm aktar ħsarat jew xi inċident.
