B’kollox hawn 408 charging points għall-użu pubbliku mxerrda madwar Malta u Għawdex, li 16 minnhom huma tal-privat waqt li l-bqija huma kollha proprjetà tal-Gvern. F’Għawdex hemm 64 charging point. Inbeda proġett ieħor bil-mira li sal-aħħar ta’ din is-sena, se jiżdiedu mal-1,200 charging point ieħor madwar il-gżejjer.
Iddikjarat dan il-Ministru għall-Ambjent, l-Enerġija u l-Indafa Pubblika Miriam Dalli fil-Parlament meta kienet qed twieġeb mistoqsija tad-Deputata Nazzzjonalista Eve Borg Bonello.
