Mara ta’ 38 sena tressqet il-Qorti mixlija li allegataament użat passaport falz biex tidħol Malta. Fil-Qorti, il-Prosekuzzjoni spejgat li l-mara waslet Malta minn Istanbul fl-4 ta’ Ġunju u twaqqfet mill-awtoritajiet tal-immigrazzjoni wara li ppreżentat dokument falz tal-ivvjaġġar.
Waqt l-investigazzjonijiet tal-pulizija, hija ammettiet li kienet xtrat passaport falz għal €7,000. Spjegat li irrikorriet b’passaport falz għax kienet qed tfittex kenn fl-Ewropa minħabba s-sitwazzjoni f’pajjiżha.
Hija kienet mixlija li kellha fil-pussess tagħha u użat passaport falz, li għamlet użu minn dokument falz u li kellha dokument iffalsifikat fil-pussess tagħha mingħajr awtorità legali.
Fil-Qorti, il-mara wieġbet li hija ħatja għall-akkużi kollha miġjuba kontriha. Wara li qieset l-ammissjoni tagħha u ċ-ċirkostanzi tal-każ, il-Qorti kkundannatha għal disa’ xhur priġunerija, sospiżi għal sentejn.
Il-Qorti ordnatilha wkoll tħallas kwalunkwe spejjeż marbuta mal-proċeduri.
L-avukat tal-għajnuna legali Rachel Tua dehret għall-mara, filwaqt li l-
Ispettur Christian Abela mexxa l-prosekuzzjoni. Il-Maġistrat Nadia Helena Vella ppresediet is-seduta.
