Raġel ta’ 54. sena residenti Ħal Għaxaq qed isofri minn ġrieħi ta’ natura gravi, wara li aktar kmieni għall-ħabta tal-10:00 a.m, kien involut f’inċident tat-traffiku fi Triq Bir Miftuħ fil-Gudja
Minn stħarriġ illi sar, irriżulta li kienet seħħet ħabta bejn Ford Transit misjuq minn Indjan ta’ 32 sena residenti Ħal Safi u mutur Suzuki GSX misjuq mill-vittma.
Is-sewwieq tal-mutur ingħata l-għajnuna minn tim mediku u ttieħed l-Isptar Mater Dei b’ambulanza għal aktar kura medika.
Il-Pulizija għaddejja bl-investigazzjonijiet fuq il-każ.
