Illum, għal xi 7:30 a.m., il-Pulizija ġiet infurmata li kien hemm bżonn l-assistenza fi Triq il-Maltin Internati u Eżiljati, Mtarfa.
Il-Pulizija marret minnufih fuq il-post u mill-ewwel stħarriġ irriżulta li raġel ta’ 34 sena residenti Birkirakara kien qed isuq mutur Talaria Sting u għal xi raġuni tilef il-kontroll.
Ir-raġel ingħata l-għajnuna minn tim mediku, ittieħed l-isptar b’ambulanza u ġie iċċertifikat li weġġa’ b’mod gravi.
Il-Pulizija għaddejja bl-investigazzjonijiet fuq il-każ.
