Illum, għall-ħabta tal-10:30 a.m, il-Pulizija ġiet infurmata b’inċident tat-traffiku fit-Telgħa ta’ Selmun, il-Mellieħa. Il-Pulizija marret minnufih fuq il-post.
Minn stħarriġ illi sar irriżulta li kienet seħħet ħabta bejn karozza tat-tip Kia Picanto misjuqa minn mara ta’ 39 sena residenti l-Mellieħa, u karozza tat-tip Toyota Vitz misjuqa minn mara ta’ 26 sena residenti x-Xewkija, Għawdex.
Fil-Kia kien hemm ukoll tifla ta’ 3 snin. Il-persuni ngħataw l-għajnuna minn tim mediku u ittieħdu kollha l-Isptar Mater Dei b’ambulanza għall-kura, fejn il-mara ta’ 39 sena u t-tifla ta’ 3 snin ġew iċċertifikati bi ġrieħi ta’
natura ħafifa filwaqt li l-mara l-oħra ġiet iċċertifikata bi ġrieħi gravi.
Il-Pulizija għaddejja bl-investigazzjonijiet fuq il-każ.
Aktar kmieni: Tifla ta’ 3 snin l-Isptar wara inċident f’Selmun
Tifla ta’ 3 snin idaħħlet l-isptar għall-kura meħtieġa, wara li aktar kmieni għall-ħabta tal-10:30 a.m, kienet involuta f’inċident tat-traffiku fit-Telgħa ta’ Selmun.
Minn informazzjoni li kiseb dan is-sit, jirriżulta li seħħet ħabta bejn żewġ vetturi, waħda misjuqa minn mara ta’ 39 sena mill-Mellieħa u l-oħra minn mara ta’ 26 sena mix-Xewkija.
Filwaqt li l-kundizzjoni tat-tifla għadha mhix magħrufa, it-triq bħalissa tinsab magħluqa
Aktar informazzjoni malli jaslulna …
