Transport Malta ġiet infurmata b’roqgħa żejt li ħarġet minn operatur privat f’Manoel Island fil-Bajja ta’ Tignè Point matul il-jum tat-Tlieta. L-Awtorità mmobilizzat ir-riżorsi kollha meħtieġa biex iż-żejt jitneħħa minnufih u jitnaddaf il-baħar, liema tindif kellu jitlesta lbieraħ.
Transport Malta flimkien mad-Direttorat tas-Saħħa Ambjentali ordnat l-għeluq immedjat tal-bajja biswit Tignè Point bħala miżura ta’ prekawzjoni biex tiġi salvagwardjata s-saħħa pubblika.
L-Awtorità qalet li se tkun qed tieħu l-passi kollha meħtieġa u qed tinvestiga n-nuqqasijiet li seħħew biex tali tniġġis ma ġiex ikkontrollat fil-ħin minn kontra min wettaq dan l-inċident.
Il-pubbliku kien avżat biex isegwi l-aġġornamenti u jirrispetta l-għeluq temporanju tal-bajja għal raġunijiet ta’ sigurtà.
