Mill-2010 sal-aħħar ta’ Settembru ta’ din is-sena Jobsplus kienet irċiviet 69,671 applikazzjonijiet ġodda ta’ work permit. Dan qalu l-Ministru għall-Intern, is-Sigurtà u x-Xogħol Byron Camilleri waqt li kien qiegħed iwieġeb Mistoqsija Parlamentari tad-Deputat Nazzjonalista Darren Carabott.
Mistoqsi dwar kemm minn dawn ġew approvati u oħrajn irrifjutati, il-Ministru Camilleri qal li 67,722 ġew approvati, 1,580 ġew irrifjutati u 369 għadhom qed jiġu pproċessati.
