Raġel ta’ 76 sena residenti Birżebbuġa, weġġa’ wara li waqa’ waqt li kien qiegħed fuq sellum f’bitħa ta’ residenza.
L-inċident seħħ għall-10:45 a.m., fi Triq id-Duluri, Birżebbuġa. Minn investigazzjonijiet preliminari li saru rriżulta li r-raġel waqa’ madwar sular.
Fuq il-post issejjaħ tim mediku sabiex jassisti u ambulanza ħaditu l-Isptar Mater Dei għall-kura, fejn ġie ċċertifikat li sofra ġrieħi ta’ natura serji.
Il-Maġistrat Dr Monica Borg Galea LL.D, qed tmexxi inkjesta, filwaqt li l-investigazzjonijiet talPulizija għadhom għaddejjin.
