Raġel ta’ 80 sena u li joqgħod Santa Luċija, għal xis-1:00 p.m., ittieħed l-Isptar Mater Dei għax sofra xi ġrieħi f’inċident tat-traffiku fi Triq Ħal Luqa, Ħal Luqa.
Mill-ewwel stħarriġ irriżulta li l-vittma ntlaqat minn Nissan NV 200, li kien qed jinstaq minn raġel ta’ 22 sena residenti Ħal Għaxaq.
Ir-raġel ingħata l-għajnuna minn tim mediku, ittieħed l-isptar b’ambulanza.
L-investigazzjonijiet mill-Pulizija għadhom għaddejjin.
