Dalgħodu, fis-Sala tal-Għadd tal-Voti fin-Naxxar se ssir l-elezzjoni każwali għat-tmin siġġijiet li ġew vakanti minn dawk li ġew eletti fuq żewġ distretti.
Dan l-għadd se jsir fuq seba’ distretti wara li l-Prim Ministru Robert Abela ċeda t-Tieni Distrett, id-Deputat Prim Ministru Ian Borg ċeda s-Seba’ Distrett, Chris Fearne t-Tielet Distrett, Clyde Caruana t-Tmin Distrett, Michael Falzon u Clifton Grima ċedew id-Disa’ Distrett, Miriam Dalli l-Ħdax-il Distrett u Jonathan Attard ċeda t-Tnax-il Distrett.
Dawn huma dawk li tefgħu n-nomina għal din l-elezzjoni każwali:
It-Tieni Distrett: Clint Azzopardi Flores, Jesmond Bonello, Georvin Bugeja, Martina Paula Buhagiar, James Grech, Jorge Grech, Shana Woods u Rodrick Zerafa tefgħu n-nomina tagħhom hawnhekk.
It-Tielet Distrett: Raymond Abela, Martina Paula Buhagiar, Andy Ellul, James Grech u Eric Plumpton.
Is-Seba’ Distrett: Naomi Cachia u Samantha Pace Gasan.
It-Tmin Distrett: Vania Agius Tabone, Ramona Attard, Jesmond Bonello, Yana Borg Debono Grech, Rosette Cassar, Cressida Galea u Alex Muscat.
Id-Disa’ Distrett: Vania Agius Tabone, Clint Azzopardi Flores, Miguel Balzan, Tania Borg, Lorna Borg Vassallo, Rebecca Buttigieg, David Caruana, Lisa Cassar Shaw u Mariah Meli.
Il-Ħdax-il Distrett: Alex Muscat, Francesca Zarb u Romilda Zarb.
It-Tnax-il Distrett: Franco Mercieca, Deborah Schembri, Carlos Zarb u Romilda Zarb.
