Is-sewwieq Brittaniku, Lando Norris (McLaren) illum se jibda mill-ewwel pożizzjoni tal-Grand Prix ta’ Monza meta kiseb l-aħjar ħin fil-provi uffiċjali meta waqqaf l-arloġġ f’ħin ta’ minuta u 19.327 sekondi.
B’hekk huwa kiseb it-tieni pole position konsekuttiva wara li fi tmiem il-ġimgħa li għadda huwa llidja u rebaħ il-Grand Prix tal-Olanda.
Mit-tieni post se jitlaq il-kollega tiegħu, l-Awstraljan Oscar Piastri li se jkun segwit mill-Brittaniku George Russell (Mercedes), Charles Leclerc ta’ Monaco (Ferrari), l-Ispanjol Carlos Sainz (Ferrari) u l-Brittaniku Lewis Hamilton (Mercedes).
Il-leader preżenti, l-Olandiż Max Verstappen (Red Bull), iddiżappunta hekk kif se jibda mis-seba’ pożizzjoni.
Klassifika ġenerali meta fadal disa’ tiġrijiet: 295 – Max Verstappen; 225 – Lando Norris; 192 – Charles Leclerc; 179 – Oscar Piastri; 172 – Carlos Sainz; 154 – Lewis Hamilton; 139 – Sergio Perez; 122 – George Russell; 50 – Fernando Alonso.
