Herta Attard, mara ta’ 35 sena, kellha bżonn trapjant tal-mudullun minħabba l-leukemia. Għamlet ħames xhur fl-appartamenti ta’ Puttinu Cares f’Londra – post li mhux biss jipprovdi kenn imma wkoll tama u appoġġ għal dawk li jkunu għaddejjin minn mumenti diffiċli.
Dan qalu Puttinu Cares permezz ta’ messaġġ fuq Facebook, fejn ġie spjega li llum
Herta tinsab miexja ’l quddiem, dejjem b’tbissima u b’qalb miftuħa biex tferraħ lil dawk ta’ madwarha.
Ingħad li waqt li kienet fl-appartamenti ta’ Puttinu Cares, Herta għamlet ħafna ħbieb li għadha toħroġ magħhom sal-lum – xhieda ta’ kif din l-għaqda mhijiex biss appoġġ mediku, imma komunità sħiħa ta’ mħabba u solidarjetà.
Puttinu qal ukoll; “B’din l-esperjenza, Herta trid tgħin lil ħaddieħor u permezz tal-istorja tagħha tixtieq twassal messaġġ ta’ kuraġġ u tama. Fil-Ġimgħa l-Kbira, Herta se tkun qed tistenna t-telefonata tiegħek sabiex tirringrazzjak li għent lilha u issa hi ħerqana biex tgħin lil ħaddieħor ukoll.
