Dan is-sajf, McDonald’s qed tilqa’ partitarji minn madwar id-dinja – inklużi wħud mill-aktar ismijiet ikoniċi fil-futbol – biex flimkien jiċċelebraw l-akbar mumenti tal-logħba, u jibdlu passjoni komuni f’enerġija globali li tista’ dduq, tara u tħoss.
Minn plejers leġġendarji tal-futbol li jibdew il-logħba b’gidma minn wieħed mill-meals favoriti tagħhom, sa partitarji li jippruvaw iżommu l-kalma waqt penalty deċiżiv bil-World Famous Fries, McDonald’s ilha għal snin tagħmel parti mir-ritwali tal-ġurnata tal-logħba għal partitarji kullimkien. Kemm jekk tkun qed tappoġġja mit-tapit tas-salott jew jekk tkun stilla fil-grawnd, din is-sena kull partitarju jista’ jgawdi l-emozzjoni bil-FIFA World Cup 26™ Meal u l-Happy Meal għal żmien limitat – inklużi tifkiriet kollezzjonabbli – fir-ristoranti McDonald’s parteċipanti madwar id-dinja.
“F’McDonald’s, il-maġija sseħħ meta l-familji, il-ħbieb u l-partitarji jingħaqdu flimkien u jiċċelebraw man-nies li jħobbu. Is-sħubija mat-Tazza tad-Dinja tal-FIFA 26™ tippermettilna nieħdu dak il-ferħ komuni u nagħtuh il-ħajja fuq skala globali permezz tal-ikel tagħna, l-esperjenzi tagħna, u l-mod kif il-partitarji jingħaqdu mal-logħba,” qalet Morgan Flatley, Global Chief Marketing Officer u Head of New Business Ventures ta’ McDonald’s.
“Hekk kif l-ikoni tal-futbol jidħlu fil-grawnd biex jgħaqqdu partitarji minn kontinenti differenti, McDonald’s se tkun hemm mill-ewwel suffara sal-aħħar minuta, b’meals u tifkiriet għal żmien limitat sabiex partitarji ta’ kull età jkunu jistgħu jagħmlu parti mill-eċitament matul it-tournament kollu u lil hinn minnu.”
Mid-9 ta’ Ġunju, il-partitarji jistgħu jiċċelebraw kull gowl bil-FIFA World Cup 26™ Meal, li tinkludi waħda minn sitt tazzi kollezzjonabbli leġġendarji b’David Beckham, Ronaldinho Gaucho, Thierry Henry, Heung-Min Son u Lamine Yamal. U, naturalment, il-line-up ma tkunx kompluta mingħajr il-leġġenda tagħna stess, Grimace.
David Beckham qal: “Il-futbol huwa ħafna aktar minn dak li jiġri fil-grawnd. Kampanji bħal din jiġbru flimkien lill-partitarji u lill-familji, u jkabbru l-eċitament fit-tħejjija għat-Tazza tad-Dinja tal-FIFA u matul it-tournament.”
Il-meal tinkludi għażla bejn Big Mac McMenu jew 9-pc Chicken McNuggets McMenu, flimkien mal-Big Mac Sauce f’ippakkjar speċjali lewn id-deheb għal żmien limitat.
Stilel tal-futbol tal-futur u partitarji ta’ McDonald’s jidħlu fil-logħba bil-FIFA World Cup 26™ Happy Meal Squishmallows™ Squad
Għall-partitarji tal-futbol u ta’ McDonald’s li għadhom qed jikbru, il-FIFA World Cup 26™ Happy Meal iġġib l-eċitament tal-ġurnata tal-logħba għand McDonald’s. Kull ordni tinkludi wieħed minn 12-il plush Squishmallows™, maħluqa minn fost l-aktar karattri popolari tal-marka, li jirrappreżentaw l-iskwadra tal-Happy Meal, fosthom Benny, Boyle, Gordon, Derba, Barella u Winnie. Liebsa flokkijiet b’kuluri, disinji, badges, numri u grafika ta’ McDonald’s, din il-kollezzjoni tistieden lill-familji madwar id-dinja jingħaqdu mal-logħba.
Esperjenzi u premjijiet esklussivi fl-app ta’ McDonald’s
L-app ta’ McDonald’s qed iġġib lill-partitarji aktar viċin l-azzjoni tat-Tazza tad-Dinja tal-FIFA 26™, b’logħob esklussiv, sfidi u merchandise ta’ edizzjoni limitata marbuta mal-punti tal-lealtà.
Leġġendi tal-futbol. Partitarji ta’ McDonald’s. L-istess ritwali tal-ġurnata tal-logħba.
Mill-grawnd sat-tazzi leġġendarji tagħna, l-akbar ismijiet tal-futbol jaqsmu l-memorji u l-esperjenzi personali tagħhom ma’ McDonald’s.
Thierry Henry qal: “McDonald’s ifakkarni fid-dar. Il-McDonald’s f’Les Ulis kien wieħed mill-ewwel fl-inħawi, u meta kont qed nikber kien parti mill-ħajja ta’ kuljum fil-komunità. Ma kienx biss dwar l-ikel – kien post fejn in-nies kienu jiltaqgħu.”
Ingħaqdu magħna għal tournament li ma jintesa qatt u żuru l-McDonald’s lokali tagħkom għall-FIFA World Cup 26™ Meal u l-FIFA World Cup 26™ Happy Meal, sakemm idumu l-istokks.
