L-inċidenti fit-toroq Maltin kien fost id-diskussjoni waqt il-mistoqsijiet parlamentari tal-lejla.
Il-Ministru għall-Intern, is-Sigurtà, ir-Riformi u l-Ugwaljanza Byron Camilleri min-naħa tiegħu qal li jinsab infurmat li l-inċidenti tat-traffiku li fihom kienu involuti xufier tal-Y-Plates is-sena li għaddiet kien ta’ 1,485.
Huwa ta din ir-risposta bi tweġiba għall-mistoqsija parlamentari li tressqet mid-deputat Nazzjonalista Charles Azzopardi, liema domanda saret oriġinarjament lill-Ministru għat-Trasport, l-Infrastruttura u l-Proġetti Kapitali.
