Kumitat Festa Marija Sultana tal-Martri San Pawl il-Baħar AD 1969 se jkun qed jorganizza quddiesa għal ruħ Kacey Sciberras f’għeluq ix-xahar minn meta tilfet ħajjitha.
Il-quddies se tkun qiegħda ssir l-Erbgħa 21 ta’ Ġunju fis-6:00 p.m fil-Knisja Parrokjali ta’ Marija Addolorata f’San Pawl il-Baħar.
Kacey tilfet ħajjitha f’inċident tat-traffiku li seħħ fil-21 ta’ Mejju li għadda. L-inċident seħħ għall-ħabta tat-3:00 a.m meta ġuvni ta’ 20 sena residenti San Pawl il-Baħar għal xi raġuni tilef il-kontroll tal-karozza, Chevrolet Aveo li kien qiegħed isuq f’Ħ’Attard. Fl-istess karozza kien hemm riekba l-vittma u tfajla oħra.
