Fil-bidu tad-diskussjoni fil-Parlament dwar il-mozzjoni mressaq mill-Gvern li titlob li jkun hemm appoġġ għall-Ispeaker Anġlu Farrugia u li jkun iċċensurat id-Deputat Nazzjonalista Karol Aquilina, il-Kap tal-Oppożizzjoni qal li din il-mozzjoni hija attakk dirett fuq id-demokrazija.
Qal li l-unika triq li kellha quddiemha l-Oppożizzjoni hija li ma tieħux sehem f’din id-diskussjoni u għalhekk kienet se titlaq ‘l barra mill-Parlament u terġa’ tidħol biss wara li tintemm id-diskussjoni dwar din il-mozzjoni.
