Fis-27 ta’ Settembru Festivals Malta għalaq is-sottomissjonijiet għall-ħames edizzjoni ta’ Mużika Mużika li ser issir bejn is-27 u d-29 ta’ Marzu 2025. Bħal kull sena, l-applikazzjonijiet għal dan il-festival prestiġjuż kienu numerużi u ta’ livell għoli, b’rispons pożittiv mill-artisti, il-kompożituri, u l-awturi.
Bħala parti mill-ewwel fażi ta’ preparamenti ta’ Mużika Mużika, ġew iġġudikati l-kanzunetti kollha sottomessi minn membri tal-ġurija fil-preżenza tan-nutar tal-gvern fejn minnhom intgħażlu l-aqwa 30 kanzunetta.
Dawn il-kanzunetti se jgħaddu għall-fażi li jmiss fejn se jiġu interpretati live quddiem membri tal-ġurija differenti. Minn hemm se jintgħażlu s-16-il kanzunetta finali li se jiġu ppreżentati f’Marzu li ġej.
It-30 kanzunetta li għaddew għall-fażi li jmiss huma dawn (f’ordni alfabetika skont l-isem tal-kanzunetta):
- Aħjar
- Festa
- Filgħodu
- Fuq!
- Ġenna Fl-Art
- Għadna Ngħoddu
- Għannaqtek
- Għatxan
- Ħsibijiet
- Inħobbok Wisq
- Int Kollox Għalija
- Intbaħt
- Jekk Forsi
- Jista’ Jkun
- Jum Wara Jum
- L-Aħħar Jum
- L-Imħabba Verità
- Ma Nafx
- Mill-Qalb
- Narak Illejla
- Nerġa’ Nqum
- Nibqa’ Ħdejk
- Perfett
- Sabutaġġ
- Stajna Konna Aħna
- Stennieni Ġej
- Supereroj **
- Tagħna t-Tnejn
- Tiegħek Jien
- Żerniq
Festivals Malta flimkien mal-bord ta’ Mużika Mużika jixtieq jirringrazzja lil dawk kollha li ssottomettew l-applikazzjoni tagħhom għall-ħames edizzjoni tal-festival. Aktar informazzjoni marbuta mal-live auditions ser tintbagħat lill-parteċipanti kkonċernati fil-jiem li ġejjin.
** Peress li kien hemm aktar minn kanzunetta waħda bl-isem ta’ ‘Supereroj’, nikkjarifikaw li l-kanzunetta li għaddiet għall-fażi li jmiss hija tal-kumpożitur Glen Vella.
