Il-player ta’ Arsenal, Pierre-Emerick Aubameyang, jinsab lest għal ritorn kmieni fl-Ingilterra mit-Tazza tan-Nazzjonijiet tal-Afrika.
L-attakkant bħalissa jinsab fuq dmirijiet internazzjonali mal-Gabon fil-kampjonat, iżda għad irid jilgħab logħba waħda minħabba li kkuntratta l-COVID-19.
S’issa tilef il-partiti kontra l-Komoros u l-Ghana, iżda l-attakkant jista’ jispiċċa jitlef il-kampjonat kollu minħabba raġunijiet ta’ saħħa.
Aubameyang jista’ jispiċċa jintbagħat lura l-Ingilterra minħabba li sofra feriti fil-qalb wara l-ġlieda tiegħu mal-virus.
Id-deċiżjonijiet għandhom jittieħdu llum wara sensiela ta’ testijiet li jiddeterminaw jekk huwiex tajjeb biżżejjed biex jilgħab mal-Gabon jekk jgħaddu mill-fażi tal-gruppi.
Jekk le, allura Aubameyang se jkun qed jagħmel ir-ritorn tiegħu Londra, fejn it-tobba tal-Arsenal inżammu infurmati, iżda mhumiex allarmati.
