… ikkundannat sentenza sospiża
Żagħżugħ ta’ 21 sena kien ikkundannat sentenza sospiża wara li ammetta li seraq ġiżirana tad-deheb minn nightclub f’Paceville.
Ismail Sbai, Taljan iżda residenti s-Swieqi, wieġeb ħati għall-akkużi miġjuba kontrih. Is-serqa seħħet il-Ħadd li għadda, għall-ħabta tas-sagħtejn u nofs ta’ filgħodu.
Il-vittma kien qal lill-pulizija li waqt li kien qed jiżfen ma’ sħabu ġewwa stabbiliment innota individwu jaġixxi b’mod suspettuż warajh. Ftit mumenti wara, l-istess persuna allegatament seraqlu l-ġiżirana tad-deheb minn għonqu u rah jaħrab biha.
Il-vittma immedjatament informa lill-uffiċjali tas-sigurtà u dlonk waqqfuh. Il-Pulizija wkoll ġew infurmati u waqt tfittxija fuq l-imputat instabet il-ġiżirana tal-vittma.
Fil-Qorti ntqal li l-imputat mal-pulizija u li l-ġiżirana ġiet irritornata lis-sid. Il-Maġistrat Caroline Farrugia Frendo sabet lil Sbai ħati tal-akkużi u kkundannatu sentejn ħabs sospiżi għal erba’ snin.
Il-prosekuzzjoni tmexxiet mill-Ispettur Dylan Pace flimkien mal-Avukat Marcea Fenech mill-Uffiċċju tal-Avukat Ġenerali.
L-Avukat Francois Dalli deher għall-imputat.
