Sewwieqa li għamlu kuntatt ma’ Talk News qalu li kienu ilhom aktar minn siegħa u nofs imwaħħlin fit-traffiku fi Triq il-Mosta, qabel eżatt taqbad l-istabbiliment tal-Pama.
Jirriżulta li żewġ vetturi ħabtu anke konsegwenza tal-ammont kbir ta’ xita li kienet niżla. Sewwieqa qalulna li minħabba li l-ħabta ma kinitx daqshekk kbira, allura ma kienx hemm bżonn l-assistenza tal-pulizija.
Iżda biex l-uffiċjali tal-LESA waslu fuq il-post kienet kważi imposibbli li jagħmlu dan kemm minħabba x-xita li kienet niżla u anke minħabba l-ammont ta’ traffiku li kien hemm.
Ftit tal-minuti ilu waslu fuq il-post l-uffiċjali tal-LESA li mill-ewwel bdew bir-rapport tagħhom.
Jidher li ħadd ma weġġa’ f’dan l-inċident.
