Sirens ………..1
Mosta ………..1
F’partita ferm bilanċjata u akkanita, Sirens kisbu draw drammatiku ta’ 1-1 kontra Mosta, bil-goal li tahom punt prezzjuż jasal proprju fl-94 minuta. Kienet partita li setgħet tmur kull naħa, biż-żewġ timijiet ikollhom il-waqtiet pożittiivi tagħhom tul id-90 minuta.
Kienu Mosta li ħarġu fuq l-offensiva u fis-sitt minuta, xutt b’saħħtu mix-xellug ta’ Britoo ġie salvat tajjeb mill-goalkeeper ta’ Sirens, Andrea Cassar.
Mal-kwarta logħob, daqqa ta’ ras ta’ Chara għal Mosta ġiet imblukkata minn Cassar. Fil-21 minuta cross-shot ta’ Daniel Opoku għal Sirens għadda ftit għoli.
Dan sabiex fis-36 minuta Nicholas Pulis resaq viċin għal Sirens meta wara li rċieva mingħand Opuku ra t-tentattiv tiegħu salvat tajjeb mill-goalkeeper ta’ Mosta, David Ukoh Akpan.
Fil-ftuħ tat-tieni taqsima, Mosta ħarġu ferm aggressivi u fil-50 minuta rebħu penalty meta Opoku waqqa’ lil Gianluca Sciberras fil-kaxxa. Mill-11-il metru, inkariga ruħu, CLAYTON FAILLA, li ma żbaljax.
Huma komplew fuq l-offensiva u fis-76 minuta, Damian Anene, wara li rċieva minn cross mix-xellug, kellu d-daqqa ta’ ras tiegħu tintemm ftit barra.
Kulma jmur, kompla d-dominju ta’ Mosta u tliet minuti wara, cross-shot mix-xellug tal-awtur tal-uniku goal Mosti, Clayton Failla, ġie salvat minn Andrea Cassar.
Sirens wieġbu fit-92 minuta meta xutt minn barra l-kaxxa ta’ Perea Hinestroza ġie newtralizzat minn Akpan. Iżda huma ma kellhomx jiġu mċaħħda żewġ minuti wara meta wara li rċieva minn cross mil-lemin, Jean Borg kellu xutt imblukkat, biex mir-rebound, JONATHAN PEREA HINESTROZA, mill-viċin tefa’ ġewwa.
Sirens: 1-Andrea Cassar, 3-Tiago Almeida Bettin, 5-Prosper Boakye Owusu, 8-Nicholas Pulis, Jonathan Perea, 11-Daniel Opoku (26-Sasha Borg 63), 17-Charles Agyemang (77-Jean Borg 79), 18-Mohammed Akadom Hafiz, 22-Alexander Cini, 29-Kwasi Donsu, 31-Degran Jackson (23-Asare Bismark 64) – Coach: Steve D’Amato
mosta: 22-David Udoh Akpan, 4-Gustavo Chara, 7-Aliyu Isah (21-Nathan Agius 75), 8-Damijan Evans, 9-Moussa Camara (19-Saviour Nwafor 69) , 10-Linus Precious Tenebe, 13-Clayton Failla, 16-Gianluca Sciberras (92-Kevin Tulimieri 75), 20-Willie Britto, 74-Jake Vassallo, 77-Zachary Brincat (27-Eric Mensah 89) – Coach: Joseph Grech
REFEREE: Ezekiel Barbara
ASS. REFEREES: Luke Portelli, Duncan Spencer
RABA’ UFF: Trustin Farrugia Cann
SKORERS: C. . Failla 51 pen (M), J. P. Hinestoza 94 (S)
AMMONITI: T. Almeida Bettim, D, Opoku (S), I. Aliyu, D. Evans (M)
