Fl-aħħar nett, waqt id-diskors tiegħu fil-parlament, il-Ministru Owen Bonnici qal li “b’kollox għas-sena d-dieħla se naraw żieda ta’ 40% fl-allokazzjoni finanzjarja għal Malta iktar ugwali u iktar innovattiva. Din se tippermetti li nimplimentaw tnejn u għoxrin punt ta’ ħidma f’dawn l-oqsma li huma tant importanti għal kwalità ta’ ħajja aħjar u għat-tisħiħ tas-soċjetà tagħna.
“Jekk issaqsini kif irrid lil Malta għal uliedna inwiegeb immedjatament: Malta iktar ugwali u Malta iktar innovattiva,” temm jgħid il-Ministru għall-Ugwaljanza, ir-Riċerka u l-Innovazzjoni.
