L-organizzazzjoni Xellugija Żminijietna għal darb’oħra tħeġġeġ “l-Ministru għall-artijiet biex l-ewwel u qabel kollox jannulla l-applikazzjoni ta’ żvilupp proposta f’Tal-Bebbux, peress li parti kbira mill-art hija art agrikola tal-Gvern”.
Żminijietna żiedet tgħid li “l-Kunsill Lokali għandu jieħu pożizzjoni ċara dwar din il-kwistjoni li twassal għas-salvagwardja tal-komunità tal-bdiewa lokali. Inħeġġu lill-Kunsill Lokali taż-Żurrieq biex jagħti l-appoġġ tiegħu lill-bdiewa lokali f’Tal-Bebbux mill-iżgumbrament.
“Li jkollok sens tajjeb ta’ direzzjoni jista’ jkun utli biex jiġu esplorati alternattivi b’inqas impatt fuq l-ambjent għal proġetti ta’ żvilupp favur il-komunità”, temmet tgħid Zminijietna – Leħen ix-Xellug.
