Dalgħodu, fis-Sala tal-Għadd tal-Voti fin-Naxxar saret l-elezzjoni każwali għat-tmien siġġijiet li ġew vakanti minn dawk li ġew eletti fuq żewġ distretti f’isem il-Partit Laburista.
L-għadd sar fuq seba’ distretti. Dan wara li l-Prim Ministru Robert Abela ċeda t-Tieni Distrett, id-Deputat Prim Ministru Ian Borg ċeda s-Seba’ Distrett, Chris Fearne t-Tielet Distrett, Clyde Caruana t-Tmien Distrett, Michael Falzon u Clifton Grima ċedew id-Disa’ Distrett, Miriam Dalli l-Ħdax-il Distrett u Jonathan Attard ċeda t-Tnax-il Distrett.
Intant wara li saru l-elezzjonijiet każwali ġew eletti:
Ramona Attard telgħet mit-tmien distrett
Naomi Cachia telgħet mis-seba’ distrett
Rebecca Buttigieg telgħet mid-disa’ distrett (mis-siġġu ta’ Clifton Grima)
Clint Azzopardi Flores tela’ mit-tieni distrett
Mariah Meli telgħet mid-disa’ distrett (mis-siġġu ta’ Michel Falzon)
Alex Muscat tela’ mill-ħdax-il distrett
Franco Mercieca tela’ mit-tnax-il distrett
Andy Ellul tela’ mit-tielet distrett
