Fortunatament ħadd ma ndarab f’inċident li seħħ tard ilbieraħ filgħaxija fil-bajja tal-Għadira.
Membri mid-Dipartiment tal-Protezzjoni Ċivili stazzjonati fit-3, il-5 u s-sit stazzjon intervjenew fuq il-post biex jikkontrollaw nirien li ħakmu dgħajsa.
Fi stqarrija, il-Protezzjoni Ċivili rringrazzjat lill-Pulizija, Transport Malta u kif ukoll lit-tim mediku mill-Isptar Mater Dei li taw l-assistenza tagħhom fuq il-post.
