Raġel ta’ 57 sena ġie ċċertifikata li weġġa’ gravi wara li lbieraħ ittajjar minn mutur fi Triq Daħlet Qorrot, in-Nadur.
L-inċident seħħ għall-ħabta tat-8.00pm fejn minn stħarriġ preliminari li sar irriżulta li raġel ta’ 57 sena residenti n-Nadur intlaqat minn mutur Malaguti misjuq minn mara ta’ 30 sena residenti x-Xagħra.
Fuq il-post issejjaħ tim mediku u ambulanza li ħadet lir-raġel għall-kura fl-Isptar Ġenerali t’Għawdex, fejn aktar tard ġie ċċertifikat bi ġrieħi gravi.
L-investigazzjonijiet tal-Pulizija għadhom għaddejjin.
