Raġel ta’ 39 sena qed jinżamm arrestat wara li tressaq il-Qorti mixli li ttrafika d-droga.
Minbarra l-akkuża imsemmija, huwa kien akkużat ukoll li kellu sikkina mingħajr liċenzja u li hedded uffiċjal tal-Pulizija, bil-konsegwenza li dan ġarrab ġrieħi ħfief.
Fil-Qorti, il-Prosekuzzjoni mmexxija mill-Ispettur Roderick Attard spjega li l-Pulizija li kienu qed jagħmlu xi rondi f’Paceville nnutaw li kien hemm raġel. qed. jittraffika d-droga.
L-Ispettur Attard spjega li meta l-Pulizija wasslu għall-arrest tal-akkużat, l-akkużat irreżista l-arrest u għalhekk ma mexiex mal-ordnijieet mogħtija lilu mill-Pulizija.
Wara li semgħet is-sottomissjonijiet, il-Qorti preseduta mill-Maġistrat Yana Micallef Stafrace, żammet lill-akkużat arrestat.
