Kont tifel li domt biex tkellimt minħabba l-awtiżmu. Il-komunikazzjoni ma kinitx dejjem faċli, u kien hemm żminijiet meta ħassejtni differenti minn dawk ta’ madwari.
Madankollu b’xi mod, il-ħajja kellha pjanijiet oħra. It-tifel li darba tħabat biex isib leħnu kiber u sar kantant-kittieb tal-kanzunetti, kitarrist, plejer tas-saxaphone, mużiċist, u għalliem tal-mużika.
Dan il-vjaġġ għallimni li t-tbatijiet tagħna ma jiddefinixxux il-futur tagħna. Kultant l-isfidi stess li niffaċċjaw isiru l-pedament tal-akbar saħħiet tagħna.
