Il-qalb kbira tal-Maltin tkompli tispikka fejn fl-aktar mumenti iebsa dak li jkun jista’ jaħseb f’ħaddieħor u jgħin kif jista’ biex ħaddieħor ikun jista’ jgawdi miegħu xorta waħda.
Fl-aħħar sigħat rritornat f’pajjiżna Julia Mifsud li għamlet sitt xhur fl-appartamenti ta’ Puttinu fl-Ingilterra.
Il-familja tat-tfajla mhux biss hija grata tal-ispalla li sabet minn Puttinu Cares, iżda ħasset li kellha tmur pass oltre u għażlet li tpatti lura kif tista’ biex ħaddieħor ikun jista’ jsib l-għajnuna meta meħtieġ. Dan hekk kif bħala ringrazzjament taw donazzjoni ta’ €1,000.
