Ilbieraħ fil-Knisja tal-Ġiżwiti fil-Belt Valletta ttellgħet serata memorabbli minn poeti għomja ta’ kull età. Bis-sehem tat-tenur Alan Sciberras, il-pjanista Sofia u l-attriċi Kim Dalli, is-serata daħlet fil-qlub tal-udjenza.
Waqt l-istess serata, iċ-ċkejken Lee Abela qara l-poeżija ġdida tiegħu, “Il-Buskett”. Din is-serata setgħet tittella’ bis-saħħa tal-Malta Arts Council u bl-għajnuna tal-Visual Non Visual Network.
Il-Visual Non Visual Network hija organizzazzjoni magħmula minn grupp ta’ diversi NGOs bl-istess objettivi, li kollha jipprovdu informazzjoni u kollha jaħdmu biex jgħinu lil persuni għomja jsiru indipendenti.
