Tifla ta’ 13 -il sena qed issofri minn ġrieħi gravi. Dan wara li aktar kmieni għall-ħabta tal-10:15 a.m, kienet involut f’inċident fi Triq Sir Philip Pullicino, fl-Imtarfa.
Mill-ewwel stħarriġ irriżulta li t-tifla, li kienet qiegħda ssuq rota, intlaqtet minn Ford B Max li kienet qed tinstaq minn raġel ta’ 25 sena residenti l-Imtarfa.
It-tifla ngħatat l-għajnuna minn tim mediku li ssejjaħ fuq il-post u ttieħdet l-isptar b’ambulanza.
L-investigazzjonijiet mill-Pulizija għadhom għaddejjin.
