Ritratt – ROGER AZZOPARDI
Ilbieraħ, għal xi 8:00 p.m, il-Pulizija ġiet infurmata b’argument fi Triq Għajn Dwieli, Raħal Ġdid.
Minn stħarriġ preliminari li sar irriżulta li kien qam argument bejn erbat irġiel ta’ 68, 47, 85 u 42 sena, u allegatament intuża oġġett tal-ħadid.
Żewġt irġiel marru fl-eqred ċentru tas-saħħa fejn dak ta’ 47 sena ġie ċċertifikat li sofra ġrieħi gravi filwaqt dak ta’ 85 sena sofra ġrieħi ta’ natura ħafifa.
L-investigazzjonijiet tal-Pulizija għadhom għaddejjin.
