“Qed nikteb bħala Sindku Laburista ta’ San Ġwann. Se nkun kontra applikazzjoni għal supermarket f’ODZ kif irrapportata dalgħodu fil-midja. Se nkunu proattivi fil-jiem u l-ġimgħat li ġejjin”.
Dan qalu s-Sindku ta’ San Ġwann Trevor Fenech, fejn spjega li għalih din l- applikazzjoni missha lanqas biss daħlet u li ‘lili u lill-sħabi fit- 8 ta’ Ġunju tfisser kunsill lokali li applikazzjonijiet bħal dawn jiġġilidhom’.
Is-sindku qal ukoll li hu mimli b’kuraġġ, speċjalment wara li kellmu l-Prim Ministru u kien ċar dwar l-appoġġ tiegħu u l-Partit Laburista għal din il-kawża.
